فكر زى اديسون

بســم الله الرحمـــن الرحــــيم
طبعا فى كتير مننا يعرف اديسون والى كان ليه دور كبير جدا فى حياتنا لانه كان مخترع المصباح الكهربى الى اضاء لنا ظلامنا وطبعا الى وصله ده مش من يوم ولا شهر ولا سنه ده كان عنده عزيمه كبيره كان بيعتبر كل خطوه فشل خطوه فى نفس الوقت للنجاح وتعالو نتكلم شويه ونشوف هو عمل ايه واحنا المفروض نعمل ايه يلا بينا ايه اللى هايحصل لو فاتك النجاح السؤال ممكن نقوله بطريقة تانية وهو ايه اللى هايحصل لو مانجحتش عادى يعنى ولا الموضوع كبير وبعدين احنا بنقول نجاح نجاح يعنى ايه نجاح هل هو معناه انك تاخد شهادة الابتدائية وتبقى ساقط ابتدئية قد الدنيا قبل مانجاوب على السؤال التانى هانبدأ بالسؤال الاولانى طبيعى يعنى الحقيقة ان توماس اديسون سأل لنفسه السؤال ودا الراجل اللى اخترع المصباح واخترع حاجات كتير تانية تفوق الالف اختراع الراجل دا فعلا وصل للمصباح بعد 9999 ؟ اه لانه كل مرة كان بيجرب حاجة مختلفة مرة علشان المصباح من انواع الغازات المختلفة والفتيل والسلك والحاجات الغريبة دى طبعا احنا مش هانخوض فيها علشان انا مابحبش اتكلم فى السياسة المهم اديسون قال لنفسه يا عم الحاج انت الناس كلها عرفت انك ناوى تعمل مصباح ينور اكبر فترة ممكن وبالكهرباء ودلوقتى لو انت فشلت فضيحتك هاتبقى على الملأ يكفى ان الست اللى اسمها كرستين جارتنا ام الولا ماركو هاتشمت فيا لانى ماردتش اساعده فى تنظيف البيت فا شغله مخه وفكر بنظرة مختلفة للامور بدل مايقول كل مرة انا بافشل انى الاقى الخيط اللى يطول مدة اضاءة المصباح كان بيقول ادينى نجحت كمان فى انى اكتشف طريقة مابيعملش بيها المصباح يعنى ايه يعنى كل مابيفشل مرة بمنطقنا احنا بمنطقه هو كانت بتديق الفرصة لاقتناص النجاح وبتكتر فرصة نجاح يعنى لما تكون بتدور على ارنب فى غابة وقدامك 3 حفر بحثت فى الاولى فا مالقتهوش يبقى كدا هو اكيد موجود فى واحدة من الاتنين التانيين وملقتهوش فى التانية يبقى اكيد موجود فى الاخيرة دى الفكرة ودا منطق الناجحين لو مش هاتنجح بلاش ياباشا ولا يهمك ايه يعنى خد الشر وراح لكن بعد كدا ماتبقاش زعلان لما تشوف العربية اللى انت كان نفسك تركبها راكبها واحد تانى وتشوف البيت اللى كنت ناوى تسكن فيه جواه حد تانى والحياة اللى نفسك تعيشها والحلم اللى نفسك تحققه حصل عليهم حد تانى لانه بذل اللى يستحقه النجاح دايما خليك فاهم ان الحكاية موازنة لازم تشوف النجاح والحلم اللى انت عايز توصله وتقدر التعب اللى محتاجله ماحدش بيحب الفشل لكن مش الكل يستحق النجاح النجاح بقى معناه ايه دا انت اللى تحدد هل هو نجاح فى العلاقات الشخصية او الزوجية ولا نجاح فى الشغل ولا فى الدراسة ولا فى الحياة وهاتقول انا فاشل يبقى هاتقعد كتير وتشوف احلامك بتتحقق قدامك لناس تانية قرر انت عايز ايه دلوقتى وبراين ترايسى بيقول : اذا كان ماتفعله حاليا لايقربك من اهدافك فهو يبعدك عنها حتما وخليك دايما فاكر ان الطريق مهما كان طويل فا البداية بخطوة بتقصره وان الحلم مهما كان بعيد سعيك ليه وتوكلك على ربنا بيقربه